Jaamacadda SIMAD oo caan ku aheyd aqoonta ganacsiga iyo xisaabaadka ayaa dhawaan daah furtay xarun cusub oo u gaar ah cilmiga iyo tiknoolajiyadda.
XAQIIQO NEWS- TIKNOOLAJI
Sida ay sheegeen howlwadeenada, xarunta cusub ayaa ku fadhiisan doonto dul la eg 84 kun mitir oo laba jibbaaran, xarunta ayaana martgelin doonto in ka badan 15 kun oo arday halkii mar.
Howlwadeenada Jaamacadda ayaa sheegay in jaamacadda ay isbadal ku sameysay hadafkeeda ahaa ganacsiga iyo hal abuurka oo kaliya waxa ayna xuseen in ay ku soo dareen qeyb kale oo xoogga saari doonta sayniska iyo tiknoolajiyadda.
Tallaabada jaamacadda qaaday ayaa saldhig looga dhigay sida la sheegay baahiya bulshada ee qarnigan 21,aad, xarunta cusub ayaana ka shaqeyn doonta wax ka qabashada cimilada, haqab beelka cuntada iyo caafimaadka.
Jaamacadda SIMAD ayaa ka mid ah jaamacadaha ugu faca weyn ee magaalada Muqdisho ka shaqeeya, jaamacadda ayaana caan ku aheyd kuliyadaha ganacsiga iyo xisaabaadka.