XASAASI: Sacuudiga oo Somalia u Hanjabay (Xajka oo Xayiraad Laga saari doono somalia)

-

Jariidada Lemond ee kasoo baxda dalka Faransiiska ayaa daabacday iyadoo ay si socoto isku day lagu balaarinayo go’doominta dalka Qatar, Sacuudiga ayaa bilaabay cadaadis xoogan uu saarayo tiro kamid ah dowladaha Africa si ay xiriirka ugu jiraan dowladda Qatar, waxyaabaha ay adeegsan doonto waxaa kamid ah adkeenta helitaanka Visaha gudashada Xajka.

Jariidada waxa ay leedahay Dowladda Sacuudiga ayaa qaadeyso laba talaabo oo kala ah in ay dowladaha aan wali Qatar xirirka u jarin ay kala noqoto taageradii Maaliyadeed ay siin jireen iyo hanjaabad ku aadan in aysan heli doonin dalka ku galka wadankaasi si shacabka wadamadasi uga qeyb qaataan munaasabaha Xajka ama Cumrada.

Wadamada badan ayaa u hogaansamay Cadaaadiska dowladda Sacuudiga balse waxaa jira wadamo Afrikaan ah oo ku adkeestay inay dhex dhexaadiyaan labada dal ee Sacuudiga iyo Qatar, waxaana kamid ah wadamadasi Soomaaliya, Sudan, Maroko, Aljeeriya iyo Tunisia.

Soomaliya oo ergo u dirtay Sacudiga ayaan la soo kulmin soo dhaweyntii loo baahna waxana lala kulansiiyo Wasiiradii Soomaaliya xubno agaasimayaal ah marki Dowladda Madaxweyne Farmaajo go’aan cad ah ay iska taagtay khilaafka Khaliijka.

Saraakiil muhiim ah ayaa laga soo xiganaya in Nidaamka Villa Somalia ay iska diideen 80 Million oo doolarka Mareykanka oo xirirka loogu jarayo Dowladda Qatar in kastoo saraakisha Madaxtooyada ayan ka hadlin arimahaasi waxana xusid mudan in ergay ka socda Boqorka Sacuudiga uu soo gaaray si lama filaan Soomaaliya balse uu ku hungoobay damaciisa.

Carada ay ka qaaden isbahaysiga Sacuudiga ee Xrirka u jaray Qarar go’aankii Soomaaliya waxa durba muujisatay dowladda Imaaradka oo dalkeedi kasoo ceyrisay Muwaadin Soomaali ah oo kamid ahaa tartamayasha tartan quraan aqris ah oo ka socday dalka Imaaradka.

Waxaanan la ogeyn sida ay dowladda Sacuudiga isku qabad siin doonto in siyaasadeedi ka dhanka ah Qatar ay uga faaideyso in mid kamid ah tiirarka islaamka ugu muhiimsan ee Xajka laga hoos istaago wadamo diiday in  Sacuudiga u quduucan.

Soomaaliya ayaa kamid ah wadamada diyaar garowga ugu jira Soon qaadka kadib in ay u baxaan Sacudiga si ay Xajka u soo gutaan.

Wararka U Dambeeyey

Calaamado Soo Muuqan Kara Bil Ka Hor Wadno Xanuunka

Dr. Satir Zhijian, oo ah dhaqtar wadanaha ayaa tilmaamay in calool xanuunka iyo dhabar xanuunka ay noqon karaan calaamado...

Xarun Sayniska Iyo Tiknoolajiyadda U Gaar Ah Oo Muqdisho Lagu Dhagax Dhigay

Jaamacadda SIMAD oo caan ku aheyd aqoonta ganacsiga iyo xisaabaadka ayaa dhawaan daah furtay xarun cusub oo u gaar...

Xog..Jabuuti Oo Soo Bandhigtay Darooniska Bayrakhtaar TB2

Bandhig milatari oo Jabuuti ugu dabaal dageysay sanad guurradii 45aad ee ka soo wareegtay markii ay xornimada ka qaateen...

Nin Xaaskiiska U Dilay Maxaad Gabar Uurka Ugu Sidaa !

Arin argagax leh ayaa laga soo sheegay Masar, nin inta xaaskiisa dilay ka dibna meydkeeda gubay kuna aasay meel...

Xasan Iyo Xamze: Maxay Qaban Karaan Maxaase Dhici Karin?

WARKA: Barlamaanka Soomaaliya ayaa maanta codka kalsoonida siiyey si aqlabiyad buuxda ah RW cusub Xamza Cabdi Barre, haddaba su'aasha...

Jeesow Oo Sheegay In Qabiil Noqon Doonta Hadii La Isku Tuurtuura Dilka Ikraan Tahliil

Xildhibaan Daahir Amiin Jeesow ayaa si carro leh uga hadlay arinta Ikraan Tahliil, waxaa uuna ku celiyey in Ikraan...