Baare xiddigyahan reer sacuudi ah, oo lagu magacaabo Mulhim bin Mohamed Hindi ayaa shaacisay in jimcda 23 May 2020, ay noqon doonto maalinka koowaad ee ciidul-fidriga inta ugu badan dalalka islaamka.
Xaqiiqonews-Xiddigiska
Hindi oo ah xubin ka tirsan ururka midowga carbeed ee xiddigiska iyo cirka, ayaa sheegay in xisaabaadka xiddigiska ay tilmaamayaan in bisha shawal ee sanadkani ay bilan doonto saacadda 08:09, galabnimo waqtiga sacuudiga, taasi oo ka dhigan marka qoraxda dhacdo dhamaan gobolada Sacuudiga.
Waxaa uu intaasi ku daray “marka la fiiriyo xaaladaha bisha ee galabtaasi, in toos loo arko wey adagtahay, sharci ahaan aragtida bisha waxa la rabaa in ay noqoto maqribka, laakin xilligaasi bisha hawada laguma arkaayo”.
Dadka muslimiinta ayaa bilaaba raadinta bisha habeenka soddonaad, markaasi oo hadii la waayo bisha dadku ay soomayaan si loo dhameystiro soddonka maalmood.
Halkan Riix Si Aad U Aragto Wararka Muhiimka Ah ee Bogga Hore