Xogtii Ugu Horeysay..Magaca Ninkii Trump Ku Qalqaaliyey Dilkii Suleymaani

Ilo qarsoodi ayaa Wargeyska “Washinton post” u sheegay in Trump dhowr bilood laga codsanaayey in uu bixiyo amarka lagu dili lahaa jenaraal qaasim Suleymaani.


Xaqiiqonews-Wararka Dibadda

Xogta la helay ayaa sheegays in xoghaya arimaha dibadda Mareykanka Mike Pompeo uu ahaa qofka sida joogtada Trump kaga dalban jiray in la khaarijiyo qaasim Suleymaani.

Wargeyska ayaa sheegay in Mike Pompeo uu dalabkani soo bilaabay tan iyo markii Iiraan ay dhulka soo dhigtay diyaarad drone ah oo Mareykanka uu lahaa bartamaha sanadkii tagay.

Sidoo Kale Aqri..Muxuu U Bismileystay Aayutulaah Khameni Dilkii Suleymaani Ka dib?

Mike pompeo, ayaa waji gabax badan kala kulmay diyaaraddii Drone-ta ee Mareykanka laga soo riday, isaga oo ka murugeysnaa jawaabta la’aanta Mareykanka, waxa uuna si joogta ah kaga dalban jiray Trump in la dilo Suleymaani.

Washington Post ayaa Pompeo ku tilmaamtay in uu yahay ninkii nalka cagaaran daaray si loo fuliyo howlgalka, hase yeeshe Wargeyska ayaa saadaaliyey in Pompeo uu faraha la gali karo xiisad la mid tii ay lugaha la gashay Hillary Clinton, ka dib dilkii safiirkii Mareykanka ee Liibiya sanadkii 2012.

FADLAN QEYBTA HOOSE KU DHIIBO ARAGTIDAADA